Indwara y’Urushwima (Ascites): Impamvu Nyamukuru, Ibimenyetso Bikomeye n’Uburyo bwo Kuyirinda...

Indwara y’Urushwima (Ascites) ni iki?

Indwara y’Urushwima ni indwara ibaho iyo amazi arenze urugero yegeranye mu nda (mu cyuho kiri hagati y’imyanya yo mu nda n’ururenda ruyitwikira rwitwa peritoneum). Ibi bituma inda ibyimba kandi igasa nini cyane.

Akenshi, indwara y’Urushwima iterwa n’indwara zikomeye z’umwijima cyane cyane cirrhose (kwangirika kw’umwijima).

Ibyo abantu bakunze kwibeshya ku ndwara yUrushwima?

Kubera ko usanga abantu benshi badasobanukiwe impamvu ya nyayo itera indwara y'Urushwima, kandi nanone ugasanga umuntu uyirwaye aragerageza gushaka impamvu yaba yaratumye ayirwara akayibura (bitewe nuko akenshi aba ari ingaruka z'ibyagiye byangiza umwijima mu gihe kirekire), uzasanga akenshi abantu benshi batekereza ko iterwa n'amarozi.

Gusa ariko si ko bimeze, indwara y'Urushwima ntibayiroga kandi ntabwo bayanduzanya.

...indwara y'Urushwima ntibayiroga kandi ntabwo bayanduzanya.

Ibimenyetso by’indwara y’Urushwima

Impamvu zitera indwara y’Urushwima

Impamvu nyamukuru ni:

1. Kwangirika k’umwijima (Cirrhose)

• Ni yo itera hafi 80% by’indwara y’Urushwima
• Iterwa n’inzoga nyinshi, hepatite B na C, umubyibuho ukabije, n’izindi ndwara

2. Izindi mpamvu

• Kanseri
• Indwara z’umutima
• Indwara z’impyiko
• Igituntu
• Indwara za pancreas
• Imirire mibi cyane
• Dialysis

Dore uko bigenda...

1. Iyo umwijima wangiritse:
2. Amaraso ntanyura neza mu mwijima
3. Umuvuduko w'umwijima uriyongera (portal hypertension)
4. Imbyiko zitangira kubika umunyu n’amazi menshi
5. Ayo mazi akajya yegerana (yirundanya) mu gice cyo mu nda, bikarangira habayeho kubyimba inda

Abafite ibyago byinshi byo kurwara indwara y’Urushwima

• Abafite indwara y'umwijima wangiritse (cirrhose)
• Abanywa inzoga nyinshi
• Ababyibushye cyane
• Abafite indwara y'umwijima wo mu bwoko bwa Hepatite B cyangwa C
• Abafite diabete yo mu bwoko bwa 2 (diabetes mellitus)
• Abafite kanseri
• Abafata ibiyobyabwenge byo mu mitsi

Uko indwara y’Urushwima isuzumwa

Abaganga bakoresha uburyo butandukanye:

• Isuzuma ry’umubiri
• Gukuramo amazi mu nda (paracentesis)
• Isuzuma ry’amaraso
• Ultrasound, CT scan cyangwa X-ray
• SAAG test

Uburyo bwo kuvura indwara y’Urushwima

Biterwa n’impamvu yayiteye:

1. Kugabanya umunyu

• Kurya ibiribwa bidafite umunyu mwinshi

2. Imiti (Diuretics)

• Ifasha gusohora amazi menshi mu mubiri

3. Paracentesis

• Gukuramo amazi mu nda

4. Shunt (TIPS)

• Gushyiramo umuyoboro woroshya amaraso mu mwijima

5. Guhindurirwa umwijima

• Bikorwa mu gihe umwijima wangiritse cyane

Ingorane (ingaruka) z’indwara y’Urushwima

• Infection yo mu nda (peritonitis)
• Hernia (umukondo wabyimbye)
• Guhumeka nabi
• Imirire mibi
• Amazi ajya mu bihaha
• Kunanirwa kw’impyiko 

Ese indwara y’Urushwima ishobora kwica?

Yego. Iyo itavuwe, ishobora guteza ibibazo bikomeye bishobora guhitana ubuzima, cyane cyane iyo iterwa n’indwara zikomeye z’umwijima.

Uburyo bwo kwirinda no kuyicunga

• Kureka inzoga
• Kugabanya umunyu
• Kugumana ibiro bizima
• Gukora imyitozo
• Kwirinda hepatite
• Kwipimisha kenshi

Kubana n’indwara y’Urushwima

• Gupima ibiro buri munsi
• Gukurikiza amabwiriza ya muganga
• Kurya indyo iboneye ifite umunyu muke
• Kwirinda gukoresha imiti cyane nka ibuprofen

Igihe ugomba kujya kwa muganga

Jya kwa muganga niba:

• Inda ibyimba cyane
• Wiyongereye ibiro vuba
• Ufite umuriro cyangwa ububabare mu nda
• Uhumeka bigoranye

Jya kwa muganga byihutirwa niba:

• Uhumeka nabi cyane
• Urimo kuruka amaraso

Umwanzuro

Indwara y’Urushwima ni ikimenyetso cy’uko hari ikibazo gikomeye, cyane cyane ku mwijima.

Nubwo idakira burundu, ishobora kugenzurwa neza hakoreshejwe imiti, indyo iboneye n’ubuvuzi bukwiye.

Gukurikiza inama za muganga ni ingenzi kugira ngo wirinde ingorane zikomeye.