Ese guhumekera hejuru (guhumeka vuba) k’umwana wanjye ni ibisanzwe?

Guhumeka bisanzwe ku mwana

Abana bavutse vuba (newborns) bashobora guhumeka vuba kurusha abantu bakuru. Ibi ni ibisanzwe kuko:

• Ibihaha byabo biracyakura
• Imitsi yabo iracyari yoroshye
• Bahumeka cyane bakoresheje izuru

Ubusanzwe umwana uri munsi y’amezi 6 ahumeka inshuro 40–60 ku munota.

Iyo asinziriye, bishobora kugabanuka bikagera kuri 30 ku munota.

Hari igihe ashobora:

• Guhagarika guhumeka amasegonda 5–10, hanyuma akongera guhumeka vuba (ibi byitwa periodic breathing)
• Ibi ni ibisanzwe igihe bidarenze amasegonda 10

Ibishobra kugutera impungenge (reba ibi witonze)

Nubwo guhumeka vuba bishobora kuba ibisanzwe, hari ibimenyetso bikwiye kugutera impungenge:

Hamagara (mujyane kwa) muganga niba umwana:

• Afite ikibazo cyo gusinzira cyangwa kurya
• Ari kurira cyane cyangwa arakaye bikabije
• Afite inkorora ikomeye
• Afite umuriro urenze 38°C (birihutirwa cyane niba ari munsi y’amezi 3)

Igihe cyo gushaka ubuvuzi bwihuse (ikibazo gikomeye)

• Guhumeka bigoranye cyangwa kunanirwa guhumeka
• Guhumeka inshuro zirenga 60 ku munota
• Kugira ijwi ryo “gusemeka cyangwa kwanira” igihe asohora umwuka
• Amazuru araguka cyane igihe ahumeka
• Imitsi yo mu gatuza cyangwa mu ijosi irikwega cyane igihe ahumeka
• Uruhu ruhinduka ubururu cyangwa imvi (cyane ku munwa cyangwa mu maso)
• Kunanirwa kurira neza
• Kubura amazi (dehydration) kubera kutarya

Ibi ni ibintu byihutirwa – Niba bitoroshye ko wahita umugeza kwa muganga, wahamagara ubutabazi bwihuse (911 cyangwa serivisi z’aho uherereye).

Abana bafite ibyago byinshi

• Abavutse mbere y’igihe bagombaga kuvukira (premature) → kuko baba baravutse ibihaha byabo bitarakura neza.
• Abavutse hakoreshejwe uburyo bwo kubagwa (cesarean) → haba hari ibyago byinsho ko bashobora kuzagira ibibazo byo ubuhumekero mu minsi izaza.

Inama ku babyeyi n’abarezi

• Menya uko umwana wawe asanzwe ahumeka igihe ari muzima
• Niba ufite impungenge, mukurikirane amasaha make urebe impinduka
• Fata videwo y’ibimenyetso bikugora gusobanura uyereke muganga

Icy’ingenzi ugomba kwibuka no kuzirikana

• Gushyira umwana ku mugongo igihe asinziriye ni byo bifasha guhumeka neza kandi ni byo bifite umutekano kurusha ibindi.
• Impinduka zidasanzwe mu guhumeka zishobora kuba ikimenyetso gikomeye – jya uhita ushaka ubufasha.