Indwara y'NYONJO (Gibbus Deformity): Impamvu, Ibimenyteso n'Uburyo bwo kuyivuza

Icyo abantu batekereza

Ese wigeze ubona umuntu ugenda cyangwa uhagaze umugongo we wo hejuru wunamye cyane ku buryo igituza kijya imbere n'ibitugu bikikanya?

Iyi miterere ishobora kuba ikimenyetso cya Gibbus Deformity, ikibazo gifata umugongo kigatuma umugongo wo hejuru ugorama cyane kurusha ibisanzwe.

Nubwo abantu benshi batekereza ko Gibbus Deformity ari ikibazo cy'abasaza gusa, ishobora kuboneka ku bana, ingimbi, abakuru ndetse n'abageze mu zabukuru.

Mu bihe bimwe iba ikibazo cy'imiterere y'umubiri gusa, ariko mu bindi ishobora gutera uburibwe, guhumeka nabi cyangwa kugabanya ubushobozi bwo gukora ibikorwa bya buri munsi.

Ubushakashatsi bwerekana iki kuri Gibbus Deformity?

Gibbus deformity ni ikibazo kidasanzwe ariko gishobora kugira ingaruka zikomeye iyo kitamenyekanye kare.

Ubushakashatsi bwasohotse muri Radiology Case Reports bwagaragaje ko Gibbus deformity ishobora kubaho iyo igice cy'imbere cy'amagufa y'umugongo (vertebral bodies) gisenyutse, bigatuma umugongo ugorama mu buryo bukomeye.

Abanditsi bagaragaje ko indwara z'amagufa ziterwa n'indwara zandura, cyane cyane igituntu cy'umugongo, ari zimwe mu mpamvu zikomeye.

Abashakashatsi kandi basobanura ko iyo ikibazo gikomeje kwiyongera gishobora gutera:

• Kwangirika kw'imyakura yo mu mugongo
• Intege nke mu maguru
• Ibibazo byo kugenda
• Guhagarika imikorere y'imyakura mu bihe bikomeye 

Gibbus Deformity itandukaniye he na Kyphosis isanzwe?

Abantu benshi babihuza, ariko hari itandukaniro:

Kyphosis:

• Ni ukugorama k'umugongo kurenze ibisanzwe
• Bishobora kuba byoroheje
• Bishobora guterwa na posture, gusaza cyangwa imikurire

Gibbus deformity:

• Ni ubwoko bukomeye bwa kyphosis
• Akenshi iba ifite ahantu hamwe h'umugongo hagoramye cyane
• Bikunze guterwa no gusenyuka kw'amagufa amwe y'umugongo.

Ibibazo Abantu Bakunze Kwibaza

1. Ese Gibbus Deformity iterwa no kwicara nabi?

Oya. Kwicara nabi bishobora kugira uruhare mu bindi bibazo by'umugongo, ariko Gibbus akenshi ijyana no kwangirika kw'amagufa cyangwa indwara z'umugongo.

2. Ese igituntu gishobora gutera umugongo kugorama?

Yego. Iyo igituntu gifashe amagufa y'umugongo (spinal tuberculosis), gishobora kwangiza vertebrae bigatuma zisenyuka buhoro buhoro. Ibi bishobora gutera umugongo kugorama bikomeye.

3. Ese Gibbus irakira?

Biterwa n'icyayiteye. Iyo iterwa na infection, kuvura infection hakiri kare ni ingenzi.

Iyo amagufa yangiritse cyane, hari igihe hakenerwa kubagwa kugira ngo umugongo ushyigikirwe.

4. Ese abana bashobora kuyigira?

Yego. Gibbus ishobora kugaragara ku bana cyane cyane iyo bafite indwara zifata amagufa y'umugongo cyangwa ibibazo by'imikurire.